რადგან აშშ გადადის წფნ (წყალბადფთორნახშირბადი) მაცივარაგენტების შემცირებაზე, კომპანია Jonson Controls-მა გამოუშვა თავისი პირველი ჩილერები დაბალი გლობალური დათბობის პოტენციალის (გდპ) მაცივარაგენტებით R-454B და R-1234ze. .ამერიკის ბაზარზე ახალგამოჩენილებია York YLAA ჰაერით გაგრილების სპირალური ჩილერი R-454B მაცივარაგენტზე და York YVFA ბუნებრივი გაგრილების ინვენტორულ ხრახნულ კომპრესორზე მომუშავე ჩილერი მაცივარაგენტით R-1234ze. R-454B-ს, 466 გდპ-ს მქონე A2L მაცივარაგენტის გამოყენება არის უახლესი დამატება YLAA ხაზისთვის, რომელიც მოიცავს ნაწილობრივი დატვირთვისას ეფექტურობის საშუალოდ 4,5%-ით გაუმჯობესებას 2021 წელს და ორი კომპაქტური მოდელის დამატებას, რომლებმაც გააფართოვეს პროდუქტის დიაპაზონი 40 დან 230 სამაცივრო ტონამდე 2022 წელს. York YVFA ჩილერი წფო (წყალბადფთოეოლეფინი) R-1234ze მაცივარაგენტზე შემუშავებულია ისე, რომ შენარჩუნებულია ძველ მაცივარაგენტებზე მომუშავე წინა მოდელების წარმადობის იგივე დონე.  შექმნილია რა კომპიუტერული აღჭურვილობის, სასერვერო ოთახებისა და მონაცემთა დარბაზების გასაგრილებლად მონაცემთა ცენტრებში. YVFA აერთიანებს ინვენტორულ კომპრესორებს და მაღალი ეფექტურობის ჰაერი-სითხე ბუნებრივი გაგრილების სისტემებს. წყარო: https://www.coolingpost.com/world-news/york-chillers-on-a2l-refrigerants-enter-us/

ბრიტანული კომპანია “Airedale” ზრდის თბური ტუმბოებისა და მარტო გაგრილების ფუნქციის ჩილერების ასორტიმენტს, რომლებიც არიან როგორც სპირალური ასევე ხრახნული ინვენტორული კომპრესორებით აღჭურვილი და მუშაობენ R-32, R-1234ze და R-513A მაცივარაგენტებზე. ორი ახალი მოდელი იქნა შექმნილი: iChill, Airedale-ის პირველი ინვენტორული ხრახნული ჩილერი და SpiraChill - სპირალური ჩილერი. Airedale აცხადებს რომ ეს ახალი მოდელები არის სხვა OEM (ორიგინალური მოწყობილობების მწარმოებელი) ტიპის კომპანიასთან გაფორმებული შეთანხმების შედეგი. Airedale არ ასახელებს OEM კომპანიას, თუმცა პროდუქტი ძალიან ჰგავს იტალიელი მწარმოებლის Clivet-ის ჩილერებს. კომპანიის მიერ შემოთავაზებული სპირალური ჩილერები უზრუნვეყოფს როგორც გაგრილებას, ისე გათბობას და სიმძლავრე მერყეობს 215-დან 1260 კილოვატამდე სითბოს ნაწილობრივი და სრული რეკუპერაციით ყველა მოდელზე. გამოყენებულია რა სპირალური კომპრესორების  უახლესი ტექნოლოგიები SpiraChill ჩილერები მუშაობენ R-32 მაცივარაგენტზე. გათვალისწინებული როგორც კომფორტისათვის, ისე ტექნოლოგიური პროცესებისთვის  SpiraChill აღჭურვილია თანმიმდევრობის მართვით, რაც იძლევა წამყვან მოწყობილობაზე ექვსამდე დამატებითი მოწყობილობის მიერთების საშუალებას. როგორც მწარმოებელი აცხადებს, რვა საფეხურიანია სპირალური კომპრესორით აღჭურვილი SpiraChill ავლენს საუკეთესო ეფექტურობას ნაწილობრივი დატვირთვის დროს და შეუძლია დაყენებული სიდიდეების ზუსტი კონტროლი. სეზონური ენერგოეფექტურობის კოეფიციენტი (SEER) კი 4.9 არის გაგრილების რეჟიმში და 4.8 - გათბობის რეჟიმში. Airedale-ის პირველი ინვენტორული ხრახნული ჩილერი, iChill გათვლილია დატვირთვის ეფექტური და ზუსტი შეთანხმებისათვის. ის მუშაობს R-1234ze და R-513A მაცივარაგენტებზე,  რომლებსაც გააჩნია დაბალი გლობალური დათბობის პოტენციალი (GWP). სიმძლავრე კი 204 დან 1423 კილოვატამდეა. როგორც მაღალ დატვირთვაზე მომუშავე და ამავდროულად კარგი სეზონური ეფექტურობით გამორჩეული iChill არის უფრო კომფორტული და ამავდროულად ხელმისაწვდომი როგორც მხოლოდ გაგრილებაზე მომუშავე ჩილერები, ასევე თბური ტუმბოები ან მრავალფუნქციური, რომელიც გაგრილებასა და გათბობას ორივეს გვთავაზობს. SpiraChill-ის მსგავსად iChill-იც აღჭურვილია თანმიმდევრობის მართვით, რაც იძლევა წამყვან მოწყობილობაზე ექვსამდე დამატებითი მოწყობილობის მიერთების საშუალებას.. სეზონური ეფექტურობის კოეფიციენტი არის 5.42 R-1234ze მაცივარაგენტზე და 5.39 R-513A მაცივარაგენტზე. წყარო: https://www.coolingpost.com/products/airedale-extends-chiller-range/    

            Daikin Applied-მა შეიძინა Alliance Air Products, რომელიც სან-დიეგოში დაფუძნებული კომპანიაა და შეკვეთით აწარმოებს ჰაერის მოსამზადებელ მოწყობილობებს. Alliance Air დაარსდა 2004 წელს, როგორც კომპანია რომელიც ასრულებდა შეკვეთებს ჰაერის დასამუშავებელი სისტემის წარმოებაზე, მაგრამ მომდენო წლებში ის გაფართოვდა გათბობის, ვენტილაციის, ჰაერის კონდიცირების და სამაცივრო ტექნიკის (HVACR) სფეროს ყველა მიმართულებით. საწარმოს ფართობმა მიაღწია 230 000 კვადრატულ ფუტს. ხოლო დასაქმებულთა რიცხვმა 700-ს გადააჭარბა. კომპანიის შესყიდვისას Daikin-მა განაცხადა, რომ ინჟინრებს, ოპერატორებსა და მშენებარე ობიექტების მფლობელებს ახლა ჰყავთ ერთი მიმწოდებელი HVACR სისტემებზე კომპლექსური გადაწყვეტილებების მისაღებად, რაც აუმჯობესებს მიწოდების დროს და პროდუქტიულობას და, ამავე დროს, ამცირებს ხარჯებს. კონკრეტულად, ნათქვამია, რომ Daikin-ისა და Alliance Air-ის ერთობლივი შესაძლებლობები დააკმაყოფილებს ჩილერი-კომპიუტერული დარბაზი ჰაერის კონდიცირების სისტემით აღჭურვილ მონაცემთა ცენტრების მზარდი ინდუსტრიის მოთხოვნებს. "Alliance Air გამოირჩეოდა თავისი წარმოების უნარით, კრეატიული დიზაინით, კარგი მუშაობითა და შესაბამისი მიწოდებით დროში," განაცხადა Daikin Applied-ის აღმასრულებელმა დირექტორმა ჯეფ დრისმა. შემდეგ მან ასევე დასძინა: "მიუხედავად ამისა რომ ეს შენაძენი აშკარად ამრავალფეროვნებს და აძლიერებს ჩვენ კომპანიას ის ნამდვილად ქმნის უპირატესობას ჩვენი მომხმარებლებისათვის, განსაკუთრებით კი მონაცემთა ცენტრების სფეროში მოღვაწე მაშტაბური კომპანიებისათვის." Alliance Air გთავაზობთ მომხმარებელთა სრულ მხარდაჭერას, საინჟინრო დახმარებიდან დიზაინამდე და ტესტირებიდან მომსახურებამდე. მონაცემთა ცენტრის გაგრილების გარდა კომპანია ემსახურება განსხვავებულ ობიექტებსაც, სადაც საჭიროა მასზე მორგებული დიზაინის შეთავაზება, ასეთი ორგანიზაციებია საავადმყოფოები, საწარმოო ობიექტები და ლაბორატორიები. წყარო: https://www.coolingpost.com/world-news/daikin-applied-acquires-us-ahu-manufacturer/  

აშშ-ს გარემოს დაცვის სააგენტომ (EPA) გააჟღერა რამდენიმე სააღსრულებო მოქმედება, მათ შორის 900 000 დოლარზე მეტი თანხით დაჯარიმება, განხორციელებული მისი წფნ (წყალბადფთორნახშირბადი) მაცივარაგენტების გამოყენების შემცირებისკენ მიმართული ძალისხმევის მხარდასაჭერად. ეს საჩვენებელი სამოქალაქო-სამართლებრივი საჯარიმო სანქციები მოიცავს სამი საკამათო პროცესის დარეგულირებას წფნ-ს იმპორტიორებთან, რომლებმაც არ შეატყობინეს თავიანთი იმპორტირებული მაცივარაგენტის რაოდენობა „სუფთა ჰაერის შესახებ“ კანონის სათბურის აირების ანგარიშის პროგრამის თანახმად. კომპანია Artsen Chemical America დათანხმდა 247,601 აშშ დოლარის გადახდაზე, კომპანია Harp USA დათანხმდა 275,000 აშშ დოლარის ჯარიმის გადახდას, ხოლო კომპანია IGas Companies - 382,473 აშშ დოლარის ჯარიმის გადახდას. EPA აცხადებს, რომ ის ასევე აქტიურად განახორციელებს მსგავს ქმედებებს რამოდენიმე სხვა იმპორტიორის წინააღმდეგ, რომლებმაც არ შეატყობინეს თავიანთი წფნ-ების შესახებ. 2020 წლის აშშ-ს „ინოვაციებისა და წარმოების შესახებ“ კანონის (AIM) თანახმად EPA-მ მიმართა დარღვევის პირველადი შეტყობინებებით (NOVs) სავარაუდო დამრღვევებს, რომლებმაც განახორციელეს რეგულირებადი ნივთიერებების იმპორტი საჭირო ნებართვის გარეშე. AIM კანონის თანახმად, იმპორტიორებს მოეთხოვებათ წფნ-ების იმპორტის კვოტები გამოიყენონ მხოლოდ აშშ-ს წფნ-ების ხმარებიდან ამოღების პროგრამის მიხედვით. „ეს შეტყობინებები აჩვენებენ EPA-ს ერთგულებას 2020 წლის აშშ-ს „ინოვაციებისა და წარმოების შესახებ“ კანონის აღსრულებისადმი“, - თქვა ლარი სტარფილდმა, EPA-ს აღსრულებისა და შესაბამისობის უზრუნველყოფის სამმართველოს ადმინისტრატორის თანაშემწის მოვალეობის შემსრულებელმა. „გარდა ამისა, სათბურის აირების ანგარიშის პროგრამის ფარგლებში ჩვენი მარეგულირებელი ქმედებები წფნ-ს იმპორტიორებთან ადასტურებს, რომ ზუსტი მონაცემები აუცილებელია კლიმატის ცვლილების სწორი პოლიტიკის შესამუშავებლად“. წფნ-ების უკანონო იმპორტის შესაჩერებლად შექმნილმა ფედერალურმა უწყებათაშორისმა სამუშაო ჯგუფმა 2022 წელს აღკვეთა წფნ-ს უკანონო იმპორტი, რომელიც 889,000 ტონაზე მეტი ნახშირორჟანგის ეკვივალენტი იყო.   ორპარტიული AIM კანონის მიხედვით შეერთებული შტატები გამოხატავს მზადყოფნას, რომ წფნ-ების წარმოებას და მოხმარებას ეტაპობრივად შეამცირებს 85%-ით 2036 წლისთვის, რაც შეესაბამება მონრეალის ოქმის კიგალის დანართით განსაზღვრულ წფნ-ების საერთაშორისო ეტაპობრივ შემცირებას. წყარო: https://www.coolingpost.com/world-news/epa-clamps-down-on-hfc-imports/

ფინურ–შვედური სამშენებლო კომპანია Caverion დათანხმდა საერთაშორისო პარტნიორობაზე შვედურ ენერგეტიკული ოპტიმიზაციის ტექნოლოგიურ კომპანია ClimaCheck-თან. Caverion-ის არსებული სამაცივრო ავტომატიზაციის სისტემები, რომელიც უკვე ფუნქციონირებს ათეულობით საცალო მაღაზიაში, საწყობებში და ლოგისტიკურ ცენტრებში ჩრდილო ევროპაში, გამოიყენებს ClimaCheck-ის ღრუბლოვან ტექნოლოგიას მონაცემების გასაანალიზებლად და თავისი მომხმარებლებისათვის ენერგოეფექტურობის გასაუმჯობესებლად. „ClimaCheck-ის დახმარებით ჩვენ შეგვიძლია შევთავაზოთ ჩვენს მომხმარებლებს დამოწმებული, დეტალური ანალიზი და ფაქტებზე დაფუძნებული რეკომენდაციები სამაცივრო სისტემის ოპტიმალური მუშაობისთვის,, თქვა კარი სუნდბეკმა, Caverion-ის მომსახურების, გადაწყვეტილებების, ციფრული ტექნოლოგიებისა და მდგრადი განვითარების განყოფილების ხელმძღვანელმა. ClimaCheck-ის ტექნოლოგია ასევე გაზომავს სამაცივრო სისტემის ეფექტურობას. “ClimaCheck აანალიზებს Caverion-ის ავტომატიზაციის ტექნოლოგიით შეგროვებულ მონაცემებს, რათა დაამოწმოს ისინი დამატებითი კომპონენტების ან ადგილზე ვიზიტების გარეშე. Caverion არის ჩვენი პირველი პარტნიორი, რომელსაც შეუძლია უზრუნველყოს ღრუბელზე დაფუძნებული ავტომატიზაციის ინტეგრირებული გადაწყვეტა და, აგრეთვე, ენერგოეფექტურობის სრული მომსახურება, რათა უზრუნველყოს სამაცივრო სისტემის ოპტიმალური ფუნქციონირება მისი სიცოცხლის განმავლობაში.“ განაცხადა ClimaCheck-ის გენერალურმა დირექტორმა ნიკლას ბერგლოფმა. წყარო:  https://www.coolingpost.com/world-news/caverion-offers-climacheck-energy-optimising/